رمزي نسيم
عدد الرسائل : 38 العمر : 56 الموقع : http://hifati.yoo7.com/f27-montada مزاج : نقاط : 45311 0 ( mms ) : تاريخ التسجيل : 03/01/2012
| موضوع: ياريتك ما فـتحـتي لي البـاب السبت مارس 31, 2012 12:42 am | |
|
ياريتك ما فـتحـتي لي البـاب***ولا فتحتي لي ايديك و ضــمّوني
نجم سطع ف سمايا وشهاب***بـدّل شــكل الدنـــيا في عـــيوني
جرفني انا موج حبّك غـلاب***وسـكن في ذاتي عــمّر مكــنوني
ولّيت نـشوف الدنـيا احـباب***وقـلبي سامح كل اللي جـرحوني
وقلت نحمده طاني الوهّـاب***انتي من حور الجـنّه لازم تكوني
لكن غـيم طل جـاب ضـباب***وسهام الحزن فـلمقـاتل صـابوني
ولَـيّام جات بالصّد والعذاب***على شـــطوط الغـــربه لاحـــوني
ماخـطّيت حـرف في كـتاب***ومـن ضحـايا العــــشق كــــتبوني
نـولّي طير يا لو من صاب***نضرب غي جـناحي ليك يـهزّوني
عييت نسال مالقيت لسباب***وعييت نــبكي دمعات ما نـفعوني
حتّا عُتْ ناَ وَلْحزن صحاب***يفكرني و يواسيني علّيِ هجروني
صب دمع لفراق بلاسحاب***والقــلب م لوحــش قـال زيـــدوني
يا ولـفي الرّاس راه شـاب***وما زالو كلماتك لذركه يضحكوني
يا ولفي القلب بـعدك تـاب***ماعــندي غير حـبّك في مخــزوني
نسكن بيه فـبلاد الاغـراب***بـرّالعــجم وخــلّي مـا يـفهـــــموني
عـليل عـليل ما فيّا تطباب***كاللي جيت تحت التـراب وردموني
لوجا قـلب الفـيل راه ذاب***وش يقد القـلب هــــمّي وشــجوني
ياولفي وين هـو الصواب***القلب حــبّك وعــــقلي و ضـــنوني
وما خلاونا نكتبو الكـتاب***ما شــاوروك انــتي ما شـــاوروني
عطاوك انتي لأوّل خطّاب***ومـــن مــــكرهـم زادو جـــحـدوني
جاو يقلعوك منّي بالكلُاّب***قـــلعولي وريـــدي ومــا رحـموني
ماني ساعي لبل لا جلاّب***ما تـعوّدت نـــشري اللي يحـــبوني
كنتفكر يجي دمعي زرّاب***واش ذنـبي انا حتى منك حرمـــوني
يعدي هذالعـمر والشباب***والقلب يبقا بيك مجنون كل جــنوني
| |
|