قصة بالدارجة النايلية الأصيلة

قالك وحد الشيخ وعزوجو زوالية وخاويين ،وجيرانهم برزواجية ، أيا دارو حيلة باه يجيبوا من عندهم ما ياكلوه وخصوصي الدهان .
نهار من النهارات ،جات العزوج تجري للجيران : ألحقوا ألحقوا ،الشيخ تا يقتلني !!! والشيخ يجري عقابها ويتهدد بالموس ،ناضوا الجيران باه يفكوها رجالتهم بنساوينهم ينوضوا ويطيحوا ، ودَخّْلو العزوج للبيت وبقاو هما يهدّوا فالشيخ ويرضوا فيه .
العزوج وهي لداخل فركتت المونة " القرارة" لقات الدهان ولكن كاين مشكل ،عَيْطت لشيخها - دايرة روحها تعاير فيه -:
يا بنْ يَابسْ كَرْكُودْ
الشيخ يرد عليها- كذاليك لاعبها يعاير فيها :
يا بتْ نَبَّشْ بالعُودْ
العزوج :
يا بن عُكَّة بلا وْكَا
الشيخ :
يا بت خَيْطْ المَعْكْسَا
العزوج -بعد ما ريقلتها-:
يا من مْلَاهَا وتَمْ
الشيخ :
بالحْرَام ما تُقْعْدِي ثَمْ .
ينعلك يا بليس ،خَرْجُولِي العزوج ،ما كاين حتى حية .
ورجعوا لبيتهم والعكة مليانة دهان.
ملاحظة :جميع حروف القاف تنطق g

للاسف مفهمتش اية حاجة :)
بس انا بحب الهجات بتاعت شمال افريقيا كلها
وكان نفسى اتعلمها من زمان